Gianni Manca poeta e scrittore dedica una poesia al tema degli incendi che mai come quest’anno ha provocato danni ingenti verso la nostra amata terra: la Sardegna.

No appo coro e mi bortare mirande cuss’ifferru, chin su sentìu arpilau, pranghende a sucuttu, apenau dae sa gama affranzada e dolimentu, allagorjaos dae unu focu tirriosu chene coro.

Ch’aiappiu cherfiu illascare su chelu che unu ribu pesau, a manera chi su bentu appenau s’esseret filicordinu, fintzas Deus s’est’abbandau in sas percas brusiadas, affranzau dae un’angustia chene fine.

Custa terra pesada dae su sentìu e sos zigantes, cumbessa e bastante a su mare e a su tempus, in sas radichinas de una fenize soberana, ata a essere galu prus forte de s’aschiu prus malu.

Sas manos abbuttinadas dae unu gromone ignorante, dian cherrere pinnicare su coro nostru e Sardos.

In s’isperdissiu e sas gamas affranzadas de dolimentu, torrande a chisina fintzas s’alenu nostru. Eliches e ghiniperos campaos dae millannos in sos montes irfrussiaos dae unu bentu bidustu.

Fiaccaos dae su sole in sos sartos de argentu pesaos dae sas mugras e de abiles in bolos, commo pranghene nesicas de framas e de viles miseros.