Bitti, distruzione dopo l’alluvione (© foto S.Novellu)
Una poesia dedicata al popolo di Bitti, dalle nostre pagine da parte del poeta Gianni Manca
No bastabat sa pesta pro nos dare pistichinzu,
commo Deus ch’at ghettau sas agheras,
in loccos de Sardigna ch’at bortulau sos ribos
in d’unu disaccattu chene ammentu.
Sa malasagura ghettada in cussu e Bithi, ch’at ispentumau domos e caminos,
est passiu unu dilluviu trazau dae unu bundu
che tempos de traschia chene isettu.
Che buzzinu chene coro sicch’at furau sa bida, de omines innossentes chene precadoria,
in-d una cussorja torrada a una palue,
in sos traghinos ghissaos in su littu chimentau.
Chenza neche est proghia s’ira de Deus, in -d unu mamentu de iscossolu,
iserghia che istria dae unua garga a furinu,
tenta a malagana in s’ispreu de sa zente.
In Bithi sun pranghende a succuttu
pro custa pelea falada ass’ispessada,
s’opera de sas bida falada a una chisina
irfaghinada in-d una zirada e ocru.
In s’afficcu de sa zente si pesat su sentiu,
sos Bithichesos sunu zente a coro e zigantes,
s’ana a pesare che abilas dae sas percas,
lassandeche in s’irmenticu custa malasagura vile.
Gianni Manca