Le Corbusier
ORANE – Inaugurà in su museo “Nivola” de Orane sa mustra de sas operas de Charles Le Corbusier, architetto e pintore cun radichinas in Svizzera, ma cun su passaportu frantzesu. In sas salas de su museo una sessantina de operas, mesche de cussas de sa zenia de sa grafica. Operas in sas cale si notat sa prima formatzione de arte a daintro de su movimentu mutiu “purista” e apustis su cuntatu apiu cun Pablo Picasso, pintore ispagnolu. Tra sas operas espostas in custa casione in Orane, una parte sunu de sa recorta de Titino Nivola, iscultore oranesu de ama e abilidade, chi est istau amicu e collaboradore de Le Corbusier, in New York. Sa mustra aperta su 22 de Nadale s’at a podere abistare fintzas a su 17 de marzu 2019. Est promovia dae sa Fondazione “Nivola”, chi dae 25 annos dat cara a su museo, cun mustras e laboratorios atos mescamente pro ammentare e abbivare s’opera de Titino Nivola. Pro chi est istranzu, e cheret abisitare in custa casione sa mustra in supra de Le Corbusier e totu cussa chi est s’opera de Nivola, de ammentare chi su museo s’acatat in su vichinadu de “Su cantaru”, in cussu chi a s’antica it su “lavatoio”, costuiu in su tempus de su fascismu.
Francesco Pirisi
© Tutti i diritti riservati