NUGORO- Custu bortaedie, chenapura 21 de Nadale, at a essere presentau su libru de poesias “Su sulidu ‘e su ventu” (in italianu, l’alito del vento). S’opera est de Antonio Mou, poete cun radichinas in Jerzu, in s’Otzastra. S’atopu in sa biblioteca “Sebastiano Satta”, a comintzare dae sas ses (ore 18). Ant a faeddare de su libru sos cumpetentes de sa poesia e letteradura in sardu Tonino Serra, Piero Carta e Ninetta Busalla. At a essere presente s’autore, chi s’annu passau at bintu su premiu de letteradura prommore de Antonio Gramsci, propriu cun s’opera de poesias de sa cale s’at a faeddare oje in sa biblioteca de Nugoro. Tra sas ateras cosas, de signolare chi su libru de Mou est istau pubbricau dae s’editore Solinas.
Francesco Pirisi
© Tutti i diritti riservati