SANTU TIADORO – Su Lanusè at superau eris pro una rete a zero su Budoni in sa partzida de su campionau natzionale de serie “D”. A sinnare pro sos otzastrinos est istau Bernardotto, in su primu minuto de sa partzida. Rete chi at post in dificurtade s’isquadra allenà da Raffaele Cerbone, chi non est resurtà a recuperare. Sa partzida est ista zoca in su campu cumonale de Santu Tiadoro ca su terrinu de zocu de Budoni lu sunu ammaniande e non est disponibile. Cun su resurtau de eris, sapadu 15 de nadale, su Lanusè mantenet su cumandu de sa classifica de su girone, chi reunidi isquadras de sa Sardigna, de su Lazio e de sa Campania. Mentras su Budoni est sèmpere a sos urtimos postos, cun sa netzessidade de mudare manitzu e impresses puru si cheret a mantennere sa categoria. Oje, dominica 16 de nadale, si zocana sas ateras partzidas. Tra sas cale cussas de sas sardas: Aprilia-Castiadas, Ostia Mare- Latte Dolce e Torres-Avellino.
F.P.
© Tutti i diritti riservati