NUGORO – Si tenede lunis tres de Nadale in tzitade s’atopu regionale de sa die impignà promore de sa pessones disabiles (o invalidos, comente est prus frequente chi venzant mutios in limba sarda). Atopu chi si rinnovada cad’annu in totu s’Europa, sempre in sa matessi data. Sa esta est preventivà in sa parrocchia San Domenico Savio, in su vichinadu de Funtana Buddia, a comintzare dae sas nove. Sunu irvetas afurriu a dughentas pessones, chi an’a arribare a Nugoro dae totu sa Sardigna, acumpantzas dae sos sotzios chi lis dana cara annu cun annu. S’organizatzione est in concas de su comitau sardu de sa Fand, sa Federazione de sos sotzios de pessones cun disabilidade. Sa die at’a comintzare cun sa missa (a sas nove), in sa parrocchia San Domenico Savio. Deretu apustis sas atividades de isport e de recreu (football cun isquadras de chimbe zocadores e pallacanestro), durantes sas cale sos pitzinnos ana a essere atzudaos dae sos sotzios de Nugoro, impignaos dae tempus in su setore, a comintzare dae Progetto Uomo, pro sighire cun Hasterix e L’Isola che non c’è.
Presente puru s’isquadra de football mutia Senza Riserve, naschia a daintro de su Dipartimentu de salude mentale de s’azienda de sa sanidade. Tra sas presèntzias postas in contu cussa de su sindigu Andrea Soddu e de su prefetta Carolina Bellantoni. Paris cun issos Gian Pietro Gioi, chi est presidente sardu de sa Fand. A cuvrennare s’atopu at’a essere Gian Piero Montisci, oramai presente dae tempus in sas atividades a benefìtziu de sas pessones cun disabilidade.
(F.P.)