Nugoro, sa sorte de su cussòrtziu “Grazia Deledda”

I Sardisti durante l'assemblea cittadina

Lunis tra sos argumentos de su cussizu cumonale

NUGORO – Su cussizu cumonale torrada a si reuinire lunis tres de Nadale, a sas deghe e mesa. Riunione cunvocà comente a sempere dae su presidente de s’assemblea, Fabrizio Beccu, apustis de sa reunione tra sos chi cumandana sos diferentes grupos politicos. Tra sos argomentos de prus importu de cussos preventivaos, b’est s’esamene dae parte de sos cussizeris de s’istudiu mutiu “di assetto idrogeologico”, in d’una parte de sa tzitade, in sa cale sa comuna ada detzisu de achere acordos cun sos privaos pro su cambiu de terras o pro cunsentire chi custos urtimos potzana mandare a innantis atividades economicas. Su pianu dada totus sas iformassiones e istabilidi sas operas pro garantire sa sicuresa de sos terrinos, mesche dae sos periculos ligaos a sa presèntzia de benas de abba. Tra sas zonas interessas, cussas de sos caminos mutios de Mughina, Pietro Nenni e Velio Spano. Su matessi tribagliu est istau atu pro sos terrinos de Prato Sardo, chi acollini su bonu de sas atividades de cummèrciu e de produtzione presentes in Nugoro. Ateru tema prepostu a su cussizu, est cussu chi atenede a sa sorte de su cussòrtziu intitolau a Grazia Deledda, e naschiu propriu pro abbivare e abbalorare s’opera de cultura de s’iscritrice nugoresa. Sos cussizeris de su Partzidu sardu, Graziano Siotto, Viviana Brau e Claudia Camarda, ana difatis depositau dae tempus in su municipiu una dimandada in sa cale preguntat su sindigu, Andrea Soddu, e sa giunta cumonale in supra de su bilanciu de su cussortziu e de sos 350mitza de euros prepostos pro s’atividade. Dinare chi non diad’essere istau mai impreau pro s’atividade de su cussortziu matessi. Pro sos cussizeris Siotto, Brau e Camarda difatis chie l’ada cuvrennau non ada provediu a ritirare 70mitza de euros postos a un’ala dae sa Regione. E, paris, nana chi ateros 100mitza sunu acolios in su Bancu ‘e Sardigna, chentza essere mai istetios picaos e ispesos pro cantu netzessàriu.

Però, autenticana, sos tres cussizeris sardistas, a fronte de totu custu su cussortziu ata cunzau (o est pro cunzare) s’atividade chentza arede pacau sos tantos a sas aziendas e a sos negossiantes chi anda forniu materiales e servìtzios.

(F.P.)