NUGORO – Sas biddas de Ortzai e Atzara ospitana in custu fine ‘e chida “Autunno in Barbagia”, sa rassigna chi ponede in mustra sos prodotos de sos mastros artigianos e de s’agricoltura. Sas cortes anticas aperini sapadu 17 de Sant’Andria e cunzana s’incrasa a sero tardu. In Ortzai, tra sas cosas de abistare su mulinu betzu e sa mustra de pinturas, acollia in sa domo chi est’istà de Carmelo Floris, unu de sos pintores de prus ama de su ‘900 in Sardigna. Mustras de arte puru in Atzara, bidda de sa Barbagia Mandrolisai. Tra sos prodotos de sa campagna, de non mancare sa bisita a sas cantinas, chi cusservana unu tra sos binos de prus calidade de sa Sardigna.
De ammentare chi sa rassigna “Autunno in Barbagia” interessada 32 biddas de sa provincia de Nugoro. Sas tapas sunu comintzas prima die de capidanni cun sas cortes de Bitzi. Sa cuntzada at ‘a essere in Nadale, su 16, cun sos atopos de Orune e de Ovodda. A promovere s’atividade sunu sa comunas matessi, paris cun s’Aspen, chi est s’Agenzia pro su turismu de sa Camera ‘e Commerciu ‘e Nugoro.
F.P.
© Tutti i diritti riservati
