Casteddu– Sas dificurtades ma puru sas possibilidades chi marcana in s’Europa su presente de sas isolas de su Mediterraneo ana a essere afrontas chenapura, 16 de Sant’Andria, durantes una cufèrentzia in Casteddu. S’atopu est pro sas 9, in s’albergo THotel. Paris cun sos guvernadores de sa Regione sarda, ana a picare parte a su cunvegnu sos dirizentes de sas regiones de sa Corsica, de sas isolas Baleari (chi achene parte de s’Ispagna) e de Creta, terra non allargu a sa Grecia. Su primu tema est cussu de sas politicas de s’Unione Europea pro sas isolas. Nd’ana a faeddare su governadore sardu, Francesco Pigliaru, e sos amministradores de sas regiones istranzas. Apustis totus sos partecipantes a s’atopu s’ana cufrontare in supra de cussas chi sunu sas politicas chi cadauna de sa regiones ammaniada pro sustennere sas atividades de s’impresa e achere creschere sos postos de tribagliu. Sas politicas de sa Regione sarda ana a essere contas dae s’assessora pro su tribagliu, Virginia Mura. Sos organizadores achene afidamentu in su vatu chi a sa cuferentzia pichene parte, pro intendere e marcare sas cosas de importu, siada sos amministraore de sos ente locale (comunas, provincias), siada sos tzitadinos chi sunu impignaos a mandare a innantis atividades de impresa. De ammentare chi s’atopu de chenapura est promoviu dae sa Regione sarda cun su Comitau europeu de sas Regiones
(F.P.)