Sa Regione si che riprendede su cuvrennu de tres digas fintzas a como in manos a s’Enel. Si tratada de cussas de su Coghinas, de sa parte arta de su Flumendosa e de Taloro, tra Ortzai e Teti. Sa notissia l’ana dà sas dies colas su guvernadore Francesco Pigliaru e s’assessore de sos tribaglios pùbbricos, Edoardo Balzarini. Sas digas e sos lagos a cussas cullegaos ini cuvrennaos dae paritzos annos dae s’Enel, cun s’istrumentu de sa concessione. Dae pacu vest’istà s’iscadentzia de su cuntratu, grassias a sa cale sa Regione ada detzisu de torrare in su pussessu de sas operas e de las nodricare dae issa. Como sos bacinos de Coghinas, Flumendosa e Taloro intrana a fachere parte de cussu chi venidi mutiu, in su limbatzu tecnicu, “sistema idrico multisettoriale”, chi ponede paris su cuvrennu de sos lagos de sa Sardigna, impreaos siada prò fornire s’abba a sos acquedotos e sa diferentes zonas, siada prò produire s’eletritzidade.

Su guvernadore Francesco Pigliaru ad’autenticau s’importnzia de sa detzisione pica dae sa giunta: «Vada sa possibilidade de impreare mentzus s’aba prò sos diversos usos, dae cussos pro sa tzente, a cussos chi atenene a sas atividades agricolas e de s’industria. Atera cosa – ad’atzuntu Pigliaru – est chi vad’aere un’istaviu in su costu de sa luche prò su funzionamentu de sos impiantos in sas tres digas, chi como sun’in palas de sos cussortzios de bonifica»

Francesco Pirisi