S’ALIGHERA – Sa curtura sarda s’atopada cun cussa de sa Catalogna, regione de s’Ispagna chi cun sa Sardigna ad’apiù frequentazione manna, a comintzare dae su tempus mesulanu e fintzas a cu comintzu de su ‘700. S’impignu est a daintro de una rassigna de film sardos chi ana a essere presentaos in sa Tzitade de Barcellona, a comintzare dae merculis 17 de Santu Gavini.

Batos sos atopos, cun sa mustra de ateretantas operas. Sa prima, sa die de apertura de su festival, est su film Nel mondo grande e terribile, de sos registas Daniele Maggioni, Laura Perini e Maria Grazia Perria. Opera chi tratada de sa vida e de s’idea politica de s’intelletuale sardu Antonio Gramsci. Sa rassigna sighidi cun s’opera L’Accabadora, de su regista Enrico Pau. Sas dies imbenientes preventivà sa presentatzione de su documentariu Capo e Croce, le ragioni dei pastori, opera de Marco Antonio Pani e Paolo Carboni. E galu, pro cuntzare sa rassigna, L’uomo con la lanterna, opera de Francesca Lixi, in sa cale si faeddada de sas sorte pacu vona de sas atividades economicas in sa Cina de impresarios italianos, tra sos cale vad’apiu puru carchi sardu.

De ammentare chi sos atopos cun su cinema sardu in Barcellona sun’istetios promovios gratzias a s’impignu de su sotziu Plataforma per la Llengua, paris cu s’ente sardu Società umanitaria.

F.P.