NUGORO – Sapadu 13 de Santu Gavini at a essere presentau su libru “Passione Verdazzurra”, chi contat s’istoria de s’isquadra de football de sa Nuorese. Libru iscritu dae Mario Nurchis, professore in s’iscola e in zoventude zocadore de s’isquadra de sa tzitade de Nugoro. Sa cufèrentzia est preventivà su mantazanu, a sas undighi in sa biblioteca “Sebastiano Satta”. S’opera de Nurchis comintzat dae su 1930 cando su sotziu est’istau undau e arribat fintzas a sos tempos de s’atualidade. Caminu ricostruiu pro su tramite de tantos documentos (cussos in possessu de sa su sotziu nugoresu e sos articulos de zornale) e paris cun sos amentos de zocadores e dirizentes. De ammentare chi sa die primas (chenapura 12 de Santu Gavini) su mantzanu in sos locale de sa biblioteca ant a essere espostos retratos e articulos de zornale in supra de sas chentinaia e mitzas de partzidas zocas dae s’isquadra, chi pro una parte manna de su tempus at picau parte a su campionau nazionale de serie “D” o de sa C2, cando sa categoria at cambiau numene.

(f.p.)