Sunt comintzaos in sa tzitade sos tribaglios pro s’istrada nova de cullegamentu de su bichinadu de Monte Jaca. Su caminu incomintzat in s’essida de de sa galleria de Mughina e arribat a pedes de Monte Jaca, colande in sa costa chi ciaritzat a Baddemanna. Pro s’opera sa comuna at bilanciau sumas pro 2 miliones e 300mitza de euros, otennios dae paritzos annos dae sa Regione. Difatis su percursu novu est ‘istau prozetau dae tantu tempu, ma rimandau siat pro sa contrariedade de carchi proprietariu de sos ortos chi depiant essere surcaos e sias pro dificurtades ligas a su disignu de su prozetu. S’opera est de balore mannu, mesche pro sos residentes de Monte Jaca, bichinadu chi s’acatat in palas de sa cresia Cattedrale.

Como b’at solu unu caminu, cussu chi colat a pedes de Sant’Onofrio, cun su periculu de che abbarrare cuntzaos e isolaos a daintro de su bichinados matessi siat in su casu de guastos a s’istrada, siai in casiones de temporadas, mesche de nive.

(f.p.)

© Tutti i diritti riservati