Facebook at a dare prioridade a post, vìdeos e fotos de amigos e familiares, lassende a banda sos messàgios aziendales. L’at naradu Mark Zuckerberg in un’intervista a su New York Times, ispieghende chi s’azienda cheret garantire chi su produtu siat bonu, non divertente ebbia: «M’iseto chi sa gente passet prus pagu tempus in su social – at iscritu Zuckerberg in unu post – ma finas chi su tempus chi bi passat tèngiat prus balore. E, si faghimus sa cosa giusta, creo chi at a èssere unu bene pro sa comunidade nostra e finas pro su business nostru». «Cherimus assegurare – sighit – chi sos produtos nostros non siant divertentes ebbia ma finas positivos pro su bene istare de sa gente». Duncas sas pàginas ant a mustrare prus cosas publicadas dae amigos e familiares chi non vìdeo o àteros post de editores e aziendas.
Su perìgulu, però, podet èssere chi b’apat un’informatzione prus pagu curada.
Gianfranca Piras
© Tutti i diritti riservati