A su fritu esageradu sas iguanas de sa Flòrida si sunt cungelende e nde sunt calende dae sas àrbores che pira cota.
A su chi narat su National Weather Service, in paritzos logos de su sud de sa Flòrida sas temperaduras sunt bassas meda e paret chi in sas periferias de Miami sa gente apat agatadu in terra sas iguanas cancaradas dae su fritu. Sos espertos narant chi giai cun 10 grados sas iguanas si cungelant. Si su fritu passat in presse podent abarrare bias, ma si sa temporada est longa sas prus piticas si morint.
New York Post narat chi su fritu meda nch’est istontonende finas sas testùines de mare, a su puntu chi sos biòlogos nde las devent piscare dae s’abba ca parent mortas de cantu sunt tostas.
Gianfranca Piras
© Tutti i diritti riservati