Ocannu carbone ebbia, pro sa Giunta sarda. Bi nche l’at leadu sa “Befana” de SOS Sardigna, protestende contra a su progetu de gassificadore in Giorgino e de tzentrale a carbone noa in Portescusi.

«Sa giunta Pìgliaru no est istada bona a isòrvere sos problemas pensende a su bene de su pòpulu sardu – narat s’assòtziu – e su carbone rapresentat sa delusione de sos Sardos».

Ma sa protesta no est pro sa chistione energètica ebbia. Sos puntos cuntestados sunt in unu manifestu iscritu a pennarellu, presentadu in una cunferèntzia de imprenta: si faeddat de sanidade pùblica, de rete ferroviària, de continuidade territoriale e de totu sos velenos presentes in Sardigna, chi non sunt controllados de peruna manera.

Gianfranca Piras

© Tutti i diritti riservati