Nch’at furadu sos ex-voto dae domo de su pàrracu e posca nche los at ghetados in su cortile de sa caserma.
Est capitadu in Barùmini su note de Nadale, cando unu furone nch’est intradu a domo de su pàrracu a ora de Missa de Puddos e nch’at furadu totu sos ex-voto de Santa Lughia, oreria chi balet chimbe mìgia èuros dae pagu prus a mancu.
Sa die in fatu sos carabineris ant agatadu su sachitu cun s’oreria in su cortile issoro.
«Deo b’isperaia. – at naradu su pàrracu don Nicola Pinna – Forsis s’autore si nd’est impudadu e at cumpresu su male chi at fatu pròpiu in die de Nadale».
Gianfranca Piras
© Tutti i diritti riservati
