Coppia di turisti a Cala Gonone (© foto S.Novellu)
Sas ghias turìsticas sardas non cherent chi si torrent a abèrrere sos tèrmines de sas abilitatziones professionales.
«Si los torrant a abèrrere – ispiegat Michela Mura de s’Assòtziu regionale de sas ghias turìsticas de Sardigna (Argts) – chentinas de persones dae totu Italia s’ant a pòdere iscrìere a su registru sardu sena ischire nudda de su patrimòniu culturale nostru, ca unu cursu a pagamentu de pagas oras non dat garantzia de preparatzione».
Finas a como, difatis, pro èssere ghias turìsticas bastat chi sos diplomados diant un’esàmene de abilitatzione e chi sos laureados fatzant unu tirotzìniu de 3 meses e partètzipent a 10 bìsitas guidadas.
«S’Assòtziu Argts – sighit Mura – pedit a sa Regione de si fàghere garante de sa professione, in s’isetu de una lege natzionale chi fatzat òrdine».
Gianfranca Piras
© Tutti i diritti riservati