Giai dae carchi annu Poste Italiane at creadu unu situ chi permitit a totu sos pitzinnos “dae 0 a 20 annos” de mandare una lìtera a Babbu Nadale e de retzire unu regaleddu peròmine.

Ocannu sos alunnos de sa 2° A e B de s’iscola primària Furreddu de Nùgoro, acumpangiados dae sas mastras Maria Bonaria Corda, Caterina Miscali, Angela Santina Piu e Francesca Sulis ant impostadu sas lìteras issoro in sa cassitedda pro Santa Claus posta in s’ufìtziu postale de pratza Crispi.

In antis de las impostare las ant lèghidas: nd’at essidu unu mundu de disìgios, de amore, de pensamentos pro chie est prus pagu fortunadu e de ammentu pro chie non s’agatat prus.

E si s’indiritzu est isballiadu? Poste Italiane s’impignat a recapitare totu sas lìteras a s’indiritzu giustu, duncas perunu pitzinnu at a abarrare sena regaleddu.

Gianfranca Piras

© Tutti i diritti riservati