Sos Carabineris de sa Tutela Agroalimentare, a pustis de controllos fatos in totu Itàlia pro garantire sa seguresa de sos consumadores in tempus de Nadale (cando in su mercadu b’at prus produtos alimentares) ant secuestradu prus de 4.160 tonnelladas de binu, ògiu e àteros alimentos.
In sas ùrtimas dies su Repartu ispetziale de s’Arma, paris cun su personale de sa Cumpagnia CC de Giuliano e de su Nùcleu Investigativu CC Forestale de Salerno, at secuestradu 550 litros de binu in provìntzia de Ascoli Piceno, 2.100 chilos de ògiu in provìntzia de Brescia e 29 tonnelladas de produtos alimentares in provìntzia de Asti, Frosinone, Napoli, Salerno, Roma e Torino.
Bator persones sunt istadas denuntziadas.
Gianfranca Piras
© Tutti i diritti riservati