Vincenzo Pillai
Est mortu istanote, a pustis de una vida passada in trintzea a difèndere sos deretos de sos prus dèbiles e su deretu de sa Sardigna a èssere terra lìbera, neta, sana. Vincenzo Pillai, nàschidu in Ventimiglia ma residente in Sardigna dae una vida, professore de istòria e filosofia, polìticu de manca candidadu in su 2006 a sa Càmera de sos Deputados cun Rifondazione Comunista, fiat connotu e istimadu dae totu sos chi, in una manera o in s’àtera, si sunt impignados pro difèndere sa Sardigna dae s’iscraitùdine de sas iscòrias nucleares, de sos polìgonos e de sas esertzitatziones militares. Issu non mancaiat mai.
A chie lu domandaiat pro ite fiat comunista, li rispondiat “Ca non chèrgio èssere cuntentu subra su discuntentu angenu”.
Deghe dies a como aiat iscritu in su profilu Facebook suo: “SONO PAZZO. Sono di quelli che non cedono alla disperazione e alla rassegnazione, che non sopportano di vivere in una società sempre più incattivita, triste, impoverita e ingiusta. Lavoro ogni giorno, in comitati, associazioni, centri sociali, partiti e sindacati, nei quartieri, nelle piazze o sui posti di lavoro, per contrastare la disumanità dei nostri tempi, il cinismo del profitto e della rendita, le discriminazioni di ogni tipo, lo svuotamento della democrazia. SONO PAZZO E SONO SARDO, devo liberarmi dal colonialismo dello stato italiano, dall’imperialismo di Trump e soci, dallo strapotere delle multinazionali e da tutti gli dei antichi e moderni. Sono proprio pazzo ma sono VIVO e non riusciranno a guarirmi, non riusciranno ad uccidermi perché NON SONO SOLO”.
Cun sa morte de duos ativistas importantes, su 2017 no est istadu un’annu bonu pro su movimentu in difesa de sa Sardigna: in abrile, difatis, fiat mortu Vincenzo Migaleddu, presidente regionale de s’Istitutu Isde Medici per l’Ambiente, ativista connotu e istimadu meda. Sa morte de Pillai lassat su movimentu galu prus òrfanu.
Gianfranca Piras
© Tutti i diritti riservati