Sarule at firmadu una cunventzione de volontariadu sotziale chi dat sa possibilidade a 12 migrantes de s’impignare in atividades sotziales, educativas e culturales, incomintzende dae sa cura de sos giardinos pùblicos finas a sa collaboratzione in organizatzione de eventos, totu atividades chi lis permitint de èssere ùtiles a sa comunidade chi los òspitat.

«Sa Regione sustenet custos progetos cun s’idea chi potzant agiudare sos migrantes a s’integrare in sa vida de sas comunidades chi los òspitant, e pro custu at postu in mesu siat sos comunes siat sos assòtzios de volontariadu e de servìtziu tzivile» at naradu s’assessore a sos Afàrios Generales Filippo Spanu in s’addòbiu fatu in su tzentru “Don Giuseppe Piu”, in presèntzia de su prefetu de Nùgoro Carola Bellantoni, de su sìndigu Mariangela Barca e de Michele Virdis, rapresentante de su tzentru de acoglièntzia “Donnedda”.

© Tutti i diritti riservati