In sa de 6 editziones de su Cuncursu enològicu natzionale Binu, organizadu dae sas Càmeras de Cummèrtziu de Aristanis e Nùgoro, sunt istados 64 sos binos premiados «ma podiant èssere finas de prus, bida sa calidade de sa produtzione» ant naradu su presidente de s’Ente camerale Nando Faedda e su segretàriu Enrico Massidda in sa tzerimònia de premiatzione.
Sa medàllia l’ant tenta 21 calidades de binu biancu, 6 ispumantes, 3 calidades de binu rosadu, 30 calidades de binu ruju e 4 de binu de dessert.
Medàllia de oro pro sos binos de dessert a Al Hamen 2016 de sa Pacos Vini, de Pachino (SR); Malvasia de Bosa 2011 de s’Azienda Emidio Oggianu de Bosa (OR); Vernaccia di Oristano 2010 de sa Fam. Orro de Davide Orro, de Tramatza (OR).
Pro sos binos biancos medàllia de oro a Karmis Cuvèe 2016 de s’Azienda Attilio Contini spa de Crabas (OR); Oro d’Isee 2016 de s’Azienda Federici de Antica Luni de Ortonovo (SP); Pariglia 2016 de s’Azienda Attilio Contini spa de Crabas (OR); Spèra 2016 de sa Sotz. Agr. Siddùra srl de Logusantu (SS); Superbia 2016 de su Consòrtziu San Michele, de Berchidda (SS).
Pro sos binos rujos medàllia de oro a Koinè 2012 de Vinai spa, Castiglione di Sicilia (CT); Fradiles 2015 de s’Azienda Fradiles snc, de Atzara (NU); Lollore 2014 de sa Sotziedade Bingiateris, de Ortueri (NU); Inu 2014 de s’Azienda Vitivinicola Attilio Contini spa, de Crabas (OR); Nùrule 2014 de sa Cantina Sociale de Durgali (NU); Antiogu 2014, de s’Azienda Fradiles sns de Atzara (NU); Pro Vois 2011 de s’Azienda Agricola F.lli Puddu, de Oliena (NU).
© Tutti i diritti riservati
